စစ်အာဏာရှင်တို့၏ အာဏာသိမ်းမှု၊ မတရားအုပ်ချုပ်မှုများနောက်တွင် သန်းနှင့်ချီသောလူငယ်များ၏ ပညာသင်ကြားရေးအခွင့်အလမ်းများ ဆိုးရွားစွာထိခိုက်လျက်ရှိသည်။ အထူးသဖြင့် ပဋိပက္ခဖြစ်ပွားရာဒေသများရှိ လူငယ်များသည် တရားဝင်ကျောင်းတက်ရောက်နိုင်ခြင်းနှင့် အဆင့်မြှင့်ပညာဆက်လက် ဆည်းပူးနိုင်ရန်ခက်ခဲလျက်ရှိပြီး၊ တော်လှန်လူငယ်များသည် အလွန်ကြပ်တည်းသောလုံခြုံရေးအခြေအနေများအောက်တွင် ပညာဆက်လက်သင်ကြားနိုင်ရေးအတွက် ကြိုးပမ်းနေကြရသည်။

ကျွန်ပ်တို့၏ ‘တို့သစ်ပင်များ’ဖောင်ဒေးရှင်းသည် ပဋိပက္ခဖြစ်ပွားရာဒေသနှင့် လွတ်မြောက်နယ်မြေများမှ တော်လှန်လူငယ်များအနေဖြင့် ပညာရေးအခွင့်အလမ်းများရရှိစေရေးအတွက် တတ်စွမ်းသမျှပံ့ပိုးနိုင်ရန် ရည်ရွယ်ပါသည်။ ပညာသင်ဆုများ၊ သင်ယူရန်နေရာများပံ့ပိုးပေးခြင်းအားဖြင့် ကျွန်ုပ်တို့၏ ‘တို့သစ်ပင်များ’သည် တရားမျှတပြီး၊ သာတူညီမျှမှုရှိသောအနာဂတ်အတွက် ပြင်ဆင်ပျိုးထောင်ရေးနှင့် စစ်ဘေးကြုံနေရချိန်၌ပင် ပညာရေးဆက်လက်အသက်ဆက်နိုင်ရေးအတွက် ဝိုင်းဝန်းကြိုးပမ်းသွားမည်။